AKO AT AKING AWIT

                               AKO

Sa aking kasalukuyang sitwasyon, ang tulad Ko'y isang kawayan na nakatungo habang  hinihipan ng malalakas na hangin kasabay ng bugso ng ulan. Isang Puno ng kawayan na nagtutumibay sa pagharap sa unos. Bagaman mukhang mahina at ibinabaling ng hangin sa kanyang paghihip, ang kawayang ito ay nananatiling matatag na puno kahit nakatungo at nahihirapan. 

Ito'y dahil ayokong sayangin ang oportunidad para sa aking Pangarap, bagaman ako'y punò ng alinlangan sa aking sarili dahil batid ko ang aking mga kahinaan, ay gusto ko pa rin magpatuloy sa kabila ng mga problema na aking hinaharap. Hindi madali ang sakripisyo ng isang inang tulad ko, kaya't ito'y isang hamon sa aking buhay kung paano ko ito mapapanagumpayan. 

Anim na buwan pa lang sa ngayon ang aking munting anghel na ikatlo sa aking mga supling, at isang mahirap na pagpili ang kailangan kong gawin, Paghinto o Pagpapatuloy sa pag-aaral. Subalit ako'y nananalig na magagawan ko pa rin ito ng paraan sa gabay ng maykapal. Matagal Kong hinintay ang pagkakataong ito na muling makapag-aral, simula noong 2008 na nagtapos ako ng hayskul, Kaya ayoko nang sayangin pa ang oportunidad na ito. 

                       AKING AWIT

Ang awit na "Maghintay ka lamang"_Ted Ito. Ito ay siyang nagiging paghinga ko ng mga saloobin. May mga linyang sadyang tumurok sa aking puso, ito ay ang mga linyang may highlights 

"MAGHINTAY KA LAMANG"

Kung hindi ngayon
Ang panahon
Na para sa iyo
Huwag maiinip
Dahil ganyan
ang buhay sa mundo
Huwag mawawalan ng pag-asa
Darating din ang ligaya
Ang isipin mo'y may bukas pa
Na mayroong saya

Kabigua'y hindi hadlang upang tumakas ka
Huwag kang iiwas 'pag nabibigo
Dapat na lumaban ka

Koro:
Ang kailangan mo'y tibay ng loob
Kung mayrong pagsubok man
Ang liwanag ay 'di magtatagal
At muling mamasdan
Ikot ng mundo ay hindi laging pighati't kasawian
Ang pangarap mo ay makakamtan
Basta't maghintay ka lamang

Kung hindi ngayon
Ang panahon
Na para sa iyo
Huwag maiinip
Dahil ganyan
Ang buhay sa mundo
Huwag mawawalan ng pag-asa
Darating din ang ligaya
Ang isipin mo'y may bukas pa
Na mayroong saya
Kabigua'y hindi hadlang upang tumakas ka
Huwag kang iiwas 'pag nabibigo
Dapat na lumaban ka

Koro:
Ang kailangan mo'y tibay ng loob
Kung mayrong pagsubok man
Ang liwanag ay 'di magtatagal
At muling mamasdan
Ikot ng mundo ay hindi laging pighati't kasawian
Ang pangarap mo ay makakamtan
Basta't maghintay ka lamang
Ikot ng mundo ay hindi laging pighati't kasawian
Ang pangarap mo ay makakamtan, Basta't maghintay ka lamang.     -end

Ang unang may highlight sa awitin na ito ay Nagpapahiwatig na anumang kabiguan na naranasan natin ay Hindi dapat maging dahilan upang tumigil tayo sa ating mga minimithi sa buhay. Ipinahihuwatig dito na Kailangan nating harapin ang mga pagsubok. Hindi dapat tumakas o umiwas bagkus ay labanan ang anumang balakid sa ating pinapangarap.


Samantala, sa koro naman ng awit na ito ay ipinapahayag na maging matibay ang ating loob sa bawat problema o pagsubok na darating. Dahil ang Buhay ay sadyang tulad ng masikot na daan, na bagaman may mga lubak lubak, sa ating Pagpapatuloy ay mararating din ang daan na mainam. Basta't maging matapang tayo na harapin ang mga sakripisyo. Magpatuloy tayo sa kabila pa man ang ating kabiguan at kahinaan. Dahil may hangganan ang dilim at may liwanag na paparating.

Comments

Post a Comment

Popular posts from this blog

ULAN

Image
Tuwing umuulan, ala-ala'y hatid Mga ngiti sa labi, maging luhang labis Kaugnay ang ulan sa diwa ay batid Nasilip ang saya, banaag ang hapis Mga ala-alang biglang nagbabalik Sa balintataw Ko'y aking nasisilip Dating kababata sa buhok Ko'y humalik Sa pagod maglaro'y dibdib sumisikip Masayang saglit ng isang kabataan Wala ngang katumbas na anumang bagay Sa panahong nagmahal sobrang nasaktan Puso'y may saya at lungkot sa'ting buhay Panahon ay sadyang may hiwagang angkin Ulan na minsan ay saksi ng damdamin
Read more

Pagsusuri ng Nobela

Image
                    Ang Bagong Paraiso                                                                                             (Ni Efren Reyes Abueg) I.INTRODUKSYON A. KAHULUGAN NG PAMAGAT:         Ang pamagat na " Ang Bagong Paraiso"  ay nangangahulugang lubos na kkasiyahaj seensa  piling ng minamahal. Sapagkat ang Paraiso ay isang lugar na napakaganda at kasiya-siya.  Kung saan ang paraisong ito ay ang  mundong ginalawan ng dalawang pangunahing tauhan sa ikalawang pagkakataon. isang bagay na pilit isinakatuparan sa kabila ng banta at pagbabawal ng kanilang mga magulang. Dahil ang unang Paraiso na tinukoy dito ay ang malawak na lugar nila sa may bakuran na...
Read more

PAGPAPAUBAYA

Image
PAGPAPAUBAYA Minsan ka na bang nagpaubaya sa pag-ibig ? Kung ako ang tatanungin, ang sagot ko ay oo. Dahil pagdating sa pag-ibig minsan ay mas mabuti ang magpaubaya kesa magpumilit. Kung alam natin na hindi na masaya  ang taong minamahal natin,    ay mas mabuting magparaya.   Ang pagpapaubaya ay isang pag-unawa sa damdamin ng iba, isang pagbibigay daan para sa kanilang nararamdaman. Ito'y magagawa mo lang kung tunay kang nagmamahal. Ito'y isang sakripisyo para sa minamahal mo, kung gusto mo siyang makitang masaya, hahayaan mo siya sa piling ng iba. Sobrang hirap, at sobrang sakit pero kung hindi natin gagawin ang magpaubaya, mas lalo lang tayong masasaktan dahil araw-araw tayong aasa na magiging masaya pa rin sa piling nya, pero ang totoo umaasa ka na lang pala sa wala, Kaya't mapapagod ka at masasaktan lamang dahil araw-araw ka ring madidismaya.  Ang pagpapaubaya ay hindi pagkatalo o pagiging isang mahina. Kundi isang pagtangap at pagiging mata...
Read more